NvTrueHDR NVIDIA RTX HDR modu ilə SDR oyunları HDR-ə çevirə bilərsiniz.

Bu texnologiya ilə köhnə oyunlara HDR dəstəyi gələ bilər.

Rövşən Hüseynov6 Fevral 2024

Oxundu: 47

RTX Video HDR: SDR məzmunu HDR-ə çevirin

Əlbəttə ki, həmişə orijinal HDR qədər yüksək keyfiyyətdə ola bilməz və bu xüsusiyyətin işləməsi üçün bəzi hardware məhdudiyyətləri tələb olunur (RTX GPU-lar və HDR dəstəyi olan monitorlar). Bu xüsusiyyət, Windows-un AutoHDR rejimini əvəz edir. Əsasən HDR-i dəstəkləməyən DirectX 9, 10, 11 və 12 oyunlarında rəng sırasını və aydınlığı artırır, lakin bu xüsusiyyətin aktivləşdirilməsi performans itkisinə səbəb ola bilər.

İstifadəçilər nə düşünür?

“Emoose” tərəfindən paylaşılan məlumatlara görə, bu texnologiya bütün DirectX 9, 10, 11 və 12 həmçinin OpenGL və Vulkan oyunları ilə işləyir. Lakin hələ qüsursuz deyil. Buna baxmayaraq, Windows AutoHDR-dan daha yaxşı nəticələr əldə edilib. Texnologiyanın səbəb olduğu performans itkisi oyundan oyuna dəyişir, amma bəzi hallarda orijinal HDR təcrübəsini təmin etdiyi və bu fərqin qarşılandığı iddia olunur.

NvTrueHDR İstifadə qaydası

1. HDR-i aktivləşdirin və Windows AutoHDR-i söndürün.
2. ZIP faylını çıxarın və “NvTrueHDR.exe” faylını başladın.
3. Oyunun EXE faylının adını daxil edin, sonra onu aktiv etmək/deaktiv etmək/ekranda HUD-u aktiv etmək barədə soruşacaq, seçiminizi edin və sonra “enter” düyməsini basın.
4. Əgər mod oyun profilini tapa bilmirsə, NV Control Panel-in “Manage 3D Settings” səhifəsində əlavə edərək, profil əlavə edildikdən sonra tətbiq edin. Sonra oyunun EXE faylının tam yolunu (yəni exe faylının yerləşdiyi qismin tam adresini yazın) yazın.
5. Əvvəlcə “HUD” seçimini seçmək tövsiyə olunur, beləliklə ekranın sol tərəfində aktiv olduğunu bildirən bir bölüm olacaq. İşlədiyini görəndən sonra, bu bildirişi bağlayaraq yenidən aktiv edə bilərsiniz (bəzi oyunlarda bu bölümə ehtiyac yoxdur, lakin bu sizə bağlıdır).
6. Mod sizə ayarların uğurla saxlandığını bildirəcək, sonra oyunu başladın.
7. Online oyunlar üçün istifadə etmək məsləhət görülmür.