NVIDIA, GeForce RTX 5060 (Ti) 8GB modelləri üçün rəylərin (review) verilməsini istəmir
NVIDIA, partnyor şirkətlərin 8GB yaddaşa sahib GeForce RTX 5060 Ti modelini rəy (review) məqsədilə təqdim etməsinin qarşısını alır, RTX 5060 modeli üçün isə ümumiyyətlə heç bir rəy proqramı mövcud deyil.
NVIDIA, RTX 5060 Ti ekran kartının rəy üçün partnyor şirkətlər tərəfindən təqdim edilməsinin qarşısını aktiv şəkildə alır, amma bu bütün modellərə aid deyil. 16 GB versiyası planlaşdırıldığı kimi satışa çıxacaq və rəy proqramlarının əsas diqqət mərkəzində məhz bu model olacaq. Problem isə 8 GB versiyası ilə bağlıdır — bəzi media qurumlarının qeyd etdiyi kimi, bu model hətta eyni ad altında çıxmamalı idi. 8 GB versiyası demək olar ki, sabah üçün nəzərdə tutulan rəy paylaşımlarında ümumiyyətlə yer almayacaq.
“Hazırda hər iki versiyanın (8 GB və 16 GB) eyni gündə satışa çıxacağı iddia olunsa da, NVIDIA yalnız 16 GB versiyasını rəy üçün təqdim edir. Bu səbəbdən təqdimat günü məhz 16 GB modelin rəyləri paylaşılacaq.
Amma məsələ bununla bitmir. AIB-lər (partnyor istehsalçılar) 8 GB versiyanı rəy üçün təqdim etməyəcək və əslində bu versiyanı rəy üçün təqdim etməyə icazələri belə yoxdur.
NVIDIA ilk gün üçün 8 GB modellərin rəy məqsədilə əldə olunmasına şifahi icazə versə də, bəzi AIB-lər bizə dedilər ki, ya kartlar hazır deyil, ya da NVIDIA onlara bu kartı rəy üçün göndərməməyi açıq şəkildə tapşırıb.
NVIDIA bizə bildirdi ki, 8 GB versiyası bir qədər gec gələcək, bəlkə də 16 GB modelindən təxminən bir həftə sonra, yəni əslində fərqli bir gündə satışa çıxacaq.
Amma buna baxmayaraq, hər iki modelin rəsmi təqdimat günü eyni olaraq göstərilir.
Bu vəziyyət olduqca qarışıqdır və əslində nələrin baş verdiyini anlamaq çətindir.
HardwareUnboxed”
