Koreya nəhəngi bu yaxınlarda rəsmi olaraq Galaxy S24 seriyasının daha sərfəli versiyası olan Samsung Galaxy S24 FE-ni təqdim etdi.
Samsung Galaxy S24 FE əvvəlki versiya Galaxy S23 FE-dən daha böyük ekrana malikdir. Bu 6,7 düymlük Diynamic AMOLED 2X ekranı FHD + təsvir ölçüsünə və 120 Hz yeniləmə sürətinə malikdir. Bundan əlavə, HDR10 + sertifikatına malik bu ekran 1900 nit pik parlaqlığa çata bilir və Corning Gorilla Glass Victus+ ilə qorunur.
Çip tərəfində S24 FE, təxminən 9 ay əvvəl təqdim edilmiş Galaxy S24-ə bənzər bir prosessor olan Exynos 2400e-dən istifadə edir. Exynos 2400e, Exynos 2400 ilə müqayisədə 0,1 GHz daha yavaş prosessora malikdir. Qrafik vahid kimi hər iki çipdə Samsung Xclipse 940 istifadə olunur. Bir sözlə, S24 FE tam flaqman telefon performansını təklif edir. Samsungun elan etdiyi bütün süni intellekt xüsusiyyətləri də bu telefonda işləyir.
Kamera tərəfində, S23 FE ilə bənzər bir quruluşa sahib olan S24 FE, ProVisual adlı görüntü emal mühərrikini təqdim edir. Bunun sayəsində foto və video keyfiyyəti də artır.
Samsung Galaxy S24 FE, S24 seriyasının digər modelləri kimi, növbəti 2 il ərzində 7 əsas Android versiyası yeniləməsini və təhlükəsizlik yeniləmələrini almağa davam edəcək.
Samsung Galaxy S24 FE istifadəçisinə nə təklif edir?
- Ekran: 6,7 düym, 1080 × 2340 piksel, Dynamic AMOLED 2X, 120 Hz, 1900 Nits
- Çipset: Samsung Exynos 2400e
- RAM: 8 GB
- Yaddaş: 128GB / 256GB / 512GB
- Batareya: 4700 mAh, 25W Simli / 15W Simsiz
- Əsas kamera: 50 MP, 8K 24 FPS / 4K 60 FPS, OIS
- İkinci kamera: 8 MP, Telefoto, 3x Optik Zoom, OIS
- Üçüncü Kamera: 12 MP, Ultra Geniş Bucaq
- Ön kamera: 10 MP, 4K 60 FPS
- Şəbəkə: 5G, Wi-Fi 6e, Bluetooth 5.3
- Əməliyyat sistemi və interfeys: Android 14 əsasında OneUI 6.1
- Davamlılıq Sertifikatı: IP68
- Rəng seçimləri: Göy, Qrafit, Boz, Yaşıl, Sarı
