Qiymətinin nə qədər münasib olacağı bilinmir, lakin yeni iPhone SE modeli addım-addım yaxınlaşır. Ən azı flaqman iPhone modelləri qədər maraqlı olan yeni SE seriyası üçün ilk detallar sızmağa başladı.
2024 iPhone SE 4 gözləntiləri qarşılayırmı?
Son sızıntıları qiymətləndirdiyimiz zaman, yeni iPhone modelinin 60 Hz yeniləmə sürətinə malik 6,1 düymlük OLED ekrandan istifadə edəcəyini görürük.
Beləliklə, ən sərfəli iPhone modeli belə OLED ekranlardan istifadə edə biləcək. Telefonun materialı alüminium çərçivə və arxa tərəfdə şüşə dizayn olacaq.
Burada qeyd etmək lazımdır ki, sərfəli seriyanın keramika qoruması olmayacaq. 48,5 X 71,2 X 7,8 mm ölçüdə olacaq 2024 iPhone SE 4, ölçü baxımından çox fərqli bir telefon olmayacaq.
Telefonun tək arxa kamerası olacaq. IMX503 sensorunu istifadə edəcək bu tək arxa kameranın iPhone XR-a bənzər dizaynı təmin edəcəyi deyilir. Full HD çəkiliş dəstəyi ilə təqdim ediləcək kameranın süni intellekt rejimləri ilə dəstəklənəcəyi də məlumatlar arasındadır.
3279 mAh batareya, 128 GB və 256 GB yaddaş dəstəyi, A16 prosessoru kimi diqqətçəkən texniki xüsusiyyətlərə sahib olduğu deyilən smartfonun nə vaxt satışa çıxarılacağı hələ də bəlli deyil.
