Assassin’s Creed Shadows: Oyunun ilk treyleri yayımlandı
Ubisoft çox gözlənilən yeni oyunu Assassin’s Creed Shadows-un ilk treylerini yayımladı. 15 noyabr 2024-cü ildə çıxacaq bu oyun, oyunçuları 16-cı əsr Yaponiyasının füsunkar dünyasına aparır.
Assassin’s Creed Shadows oyunçuları bir-birinə bağlı olan iki personajın hekayəsi ilə tanış edir: usta şinobi qatili Naoe və əfsanəvi samuray Yasuke. Bu personajlar tarixin dərinliklərinə qədər uzanan zəngin və mürəkkəb povestin mərkəzindədir. Naoenin gizlilik və çevikliyə əsaslanan döyüş tərzi Yasukenin güc və şərəflə dolu samuray döyüş tərzi ilə birləşərək oyunçulara iki fərqli oyun təcrübəsi təqdim edir.
Xbox Games Showcase zamanı qısa müddətə nümayiş etdirilən Assassin’s Creed Shadows, aksiyon dolu oynanış treyleri ilə diqqət çəkdi. Treylerdə iki qəhrəmanın Yaponiyanın müxtəlif bölgələrində düşmənlərə qarşı vuruşmasının şahidi olduq. Naoe düşmənlərini kölgədən ovlasa da, Yasuke qılıncını çəkib düşmənləri ilə üz-üzə vuruşmağa üstünlük verir.
Assassin’s Creed Shadows 15 noyabr 2024-cü ildə PlayStation 5, Xbox Series X|S və PC üçün çıxacaq.
