Playstation oyunlarının PC dünyasında sürətlə populyarlaşdığını gördük. Son açıqlamalarında Sony də PC dünyasına daha çox oyun təqdim edəcəklərini bildirib. Görünür, sürprizlər üçün çox gözləməli olmayacağıq. Çünki Playstation dünyasının məşhur oyunlarından biri olan Until Dawn PC versiyası üçün hazırlıq prosesi başlayıb.
Oyunla bağlı paylaşılan son məlumata görə, Supermassive Games oyunun yenilənmiş versiyası üzərində işləyir. Biz bunu Remake versiyası da adlandıra bilərik. Yenilənmiş versiyanın əvvəlcə PS5, daha sonra isə PC üçün çıxacağı deyilir.
Until Dawn PC versiyasının nə vaxt çıxacağı bəlli olmasa da, bununla bağlı bir ipucu var. Bu yaxınlarda məlum olmuşdu ki, məşhur rejissor David F. Sandberg oyunun filmə uyğunlaşdırılması üzərində işləyir və hekayəni oyundan götürəcək film tezliklə ekranlara çıxacaq. Çox güman ki, filmin təsirindən istifadə etmək və onu daha da diqqətə çatdırmaq üçün PC və PS5 versiyaları filmlə eyni vaxtda gələcək. 2024-cü ilin sonuna doğru oyunun həm filmini, həm də PC versiyasını gözləyirik. Oyunun PC dünyasında necə qarşılanacağı artıq maraq doğurur.
