Süni intellektlə dəstəklənən söhbət köməkçisi WhatsApp-a gəlir

Meta-nın CEO-su Mark Zukerberq sentyabr ayında verdiyi açıqlamada ABŞ-da bir qrup istifadəçinin artıq süni intellektlə dəstəklənən söhbət funksiyasından istifadə edə biləcəyini açıqlamışdı. İndi bu funksiya Android WhatsApp proqramında daha çox insana təqdim edilib.

WABetaInfo-ya görə, bir neçə aylıq beta testindən sonra Meta ona son toxunuşları qoyur. İndi belə görünür ki, Meta süni intellekt funksiyasını WhatsApp beta istifadəçilərinə təqdim etməyə başlayıb və gələcəkdə stabil versiya ilə bütün istifadəçilərə təqdim edəcək.

Tətbiqə əlavə olunacaq süni intellekt söhbət köməkçisi rejimində işləyəcək. Bu köməkçiyə daxil olmaq istəyən istifadəçilər söhbət bölməsinə əlavə olunacaq süni intellekt düyməsi ilə qarşılıqlı əlaqə qura biləcəklər.

Sözügedən söhbət köməkçisinin istifadəçilərin mesajlarına cavab verdiyini də görəcəyik.

Android-in yeni beta versiyasında ortaya çıxan süni intellekt modelinin istifadəçilərə nə vaxt istfadəyə veriləcəyi ilə bağlı dəqiq məlumat yoxdur.