Death Stranding 2 Çıxış Tarixi və Qiyməti Açıqlandı!

Hideo Kojima tərəfindən hazırlanan və maraqla gözlənilən Death Stranding 2: On the Beach-in buraxılış tarixi açıqlandı. SXSW 2025 tədbirində oyunun buraxılış tarixindən başqa maraqlı detallar da açıqlandı.

Treylerə keçməzdən əvvəl qeyd etmək lazımdır ki , martın 17-də əvvəlcədən sifariş veriləcək Death Stranding 2, 26 iyun 2025-ci ildə yalnız PlayStation 5 platforması üçün satışa çıxarılacaq.

PS5 konsolları üçün həm fiziki, həm də rəqəmsal olaraq satışa çıxarılacaq oyunun qiyməti ABŞ-da 70 dollara (standart versiya) təklif olunacaq. Bundan əlavə, Death Stranding 2: On the Beach oyununu öncədən sifariş edən istifadəçilər, rəsmi buraxılış tarixindən iki gün əvvəl, iyunun 24-də oyuna giriş əldə edəcəklər.

Death Stranding 2 gözləntiləri qarşılayacaqmı?

Tədbirdə paylaşılan treyler videosunun oyunla bağlı bir çox təfərrüatları ortaya çıxarır. Uzun müddətdir maraqla gözlənilən oyunun qrafik keyfiyyətinin kifayət qədər uğurlu olduğu açıq şəkildə görünür. Keçidlərə baxdığımız zaman oyunun hekayəsi ilə bağlı mühüm ipuçları əldə edirik.