Elon Maskın yeni süni intellekti olan Grok 3 təqdim olundu!

Süni intellekt şirkəti xAl tərəfindən hazırlanan Grok 3 nəhayət rəsmi olaraq təqdim edildi. Çoxdan gözlənilən yeni süni intellekt vasitəsi Grok 3-ün əvvəlcə 2024-cü ildə təqdim ediləcəyi gözlənilirdi. Amma bu proses gözlənildiyindən daha uzun çəkdi.

xAl şirkətinin Elon Maska aid olduğunu bilməyənlər üçün qeyd etmək yerinə düşər. Grok 3-ün onlayn təqdimatında iştirak edən texnologiya nəhəngi yeni flaqman modelini “dünyanın ən yaxşı süni intellekti” adlandırır.

Grok 3, Performans Test Nəticələri

Elon Musk Grok 3-ün əvvəlki versiyası olan Grok 2-dən on qat daha güclü olduğunu və orta hesabla 200 min GPU vahidi üzərində təlim keçdiyini bildirir.

Şirkət hələ flaqman versiyası ilə bağlı bir çox detalları açıqlamasa da, rəqibləri DeepSeek-V3, Claude 3.5 Sonnet və GPT-o4 ilə müqayisədə riyaziyyat, fizika və kodlaşdırma suallarına daha yaxşı cavab verdiyi iddia edilir. Bundan əlavə, yeni modelin Grok 3 mini versiyasının olduğunu da qeyd etməyi unutmayaq.

DeepSearch xüsusiyyəti ilə dərin təhlillər apara bilən Grok 3 Reasoning-in problemləri daha yaxşı təhlil edəcəyi və mövzu ilə bağlı daha uğurlu həll təklifləri təqdim edəcəyi iddia edildi. Bundan əlavə, X platformasını skan edərək ətraflı istifadəçi təhlili aparacaq.

xAI öz bəyanatında səsli söhbət rejimini flaqman versiyasına gətirəcəyini açıqladı. Bu xüsusiyyət sayəsində istifadəçi təcrübəsi əhəmiyyətli dərəcədə artacaq.

Grok 3-dən necə istifadə etməli?

Siz Grok 3-ə həm mobil telefonunuzdan, həm də veb brauzerinizdən daxil ola bilərsiniz. Pulsuz versiya ilə yanaşı, şirkət istifadəçilərə yalnız Grok üçün SuperGrok paketini təklif edəcək.