Treyler Rockstar Games-in rəsmi YouTube hesabında yayımlanıb. Şəhər Vice City olacaq. 2 oyunçu var – “ər, arvad”. Treylerdən görürük ki, oyundakı animasiyalar daha axıcı olacaq, şəhər daha doludur, botlar daha aktivdir.
Bundan əlavə, treyler serialın ilk qadın qəhrəmanını təqdim etməklə mühüm bir yeniliyi ortaya qoydu. Əvvəlki sızıntılarda aşkar edildiyi kimi, personajlarımız Lucia və Jason, Bonnie və Clyde kimi münasibətdədirlər. Sürətli qayıqları, motosikletləri və idman avtomobilləri ilə şəhəri gəzərək hər cür qanunsuzluqları edirlər.
Vice City ilə yanaşı, treyler müxtəlif mühitləri nümayiş etdirərək geniş oyun dünyası vəd edir. Treylerdə izdihamlı çimərliklərdən ətrafdakı bataqlıq ərazilərə, magistral yollardan gecə klublarına, damdakı görüş yerlərindən tutmuş timsahlarla dolu hovuzlara qədər bir çox fərqli yer göstərilir.
